شیخ الاسلام خواہر زادہ نے کہا ہے کہ یہ اس وقت جائز ہوگا جب وہ اپنے اصیل ہونے کو تعبیر کرے، یعنی ''میں نے نکاح کرلیا'' کہے، لیکن اگر اس نے نائب ہونے کو تعبیر کیااور ''نکاح کردیا'' کہا تو یہ کافی نہیں، پس اگر اس نے ''فلاں عورت سے نکاح کرلیا'' کہا، تو وہ کافی ہے اور اگر یوں کہا کہ ''میں نے فلاں عورت کا اپنے ساتھ نکاح کردیا'' تو کافی نہ ہوگا کیونکہ اس کہنے میں وہ نائب ہے۔ اور ہدایہ کی وہ عبارت جو ابھی ہم نے ذکر کی ہے وہ اس بات کی نفی میں صریح ہے اور تجنیس میں بھی اس کی نفی پر تصریح، غریب الروایۃ اور فتاوٰی صغرٰی کے حوالے سے کی ہے الخ (ت)
